نصائح هامة جدا للمتداولين المقبلين على التداول في العملات الرقمية

0 تصويتات
سُئل أغسطس 6 في تصنيف تداول العملات الرقمية بواسطة ahmed (4,600 نقاط)
عُدل أغسطس 6 بواسطة azzedine

التداول ومجال العملات الرقمية 
ازاى تبدأ تداول شرح مبسط #للمبتدئين
أولا لازم تكون مقتع بالمجال ده لانه ثورة فى مجاله وتقنيه البلوك تشين اللى هيا قايمه عليها العملات المشفره تقنيه في منتهي الذكاء وهيا المستقبل ان شاء الله 
ثانيا لازم تقراء عن المجال كله وتعرفه كويس وتكون مقتنع بيه .

#ما  هو_البتكوين 
البتكوين اول عمله رقميه مشفره موجوده على الانترنت العمله تم بناء العمله على لوغاريتميات رياضيه معقده غيره قابله للتعقب او الاختراق واللى اخترعها شخص مجهول الهوية يسمي نفسه ساتوشي ناكاموتو في العام 2009 عدد اجمالى العمله 21 مليون عمله البتكوين وهيتم انتهاء تعدينه في 2140 .

#ما_هي_العملات_الرقمية 
هي ببساطة عملات افتراضيه يتم تداولها بين الناس على الانترت فقط
الميزه اللى فيها سرعه التحويل بين الافراد والمؤسسات في عملات بتتحول فى 10 ثوانى 
الخصوصيه محدش يعرف مين صاحب المحفظه نهائي لو معاك عنوان محفظه بتعرف معاه قد ايه انما مش هتعرف مكانه ولا اسمه ولا اى معلومات عنه 
لا مركزيه يعنى محدش بيتحكم فيها زي الجنيه المصري ويجي حد يغرقة  طبعا ده فى مصلحه الناس انت بتكسب بالدولار وبتعمل دخل كويس يوفرلك حياه افضل بدل الوظيفه اللى ب 1200 في الشهر

#ما_هي_تقنيه_البلوك_تشين 
صعب اشرحه بشكل مبسط ويفضل تقراء عنه فى جوجل بس هحاول 
هي نظام لا مركزي على الانترنت حول العالم بتمكن اى شخص يحول اى مبلغ مهما كان حجمه من طرف 1 الى طرف 2 في منتهي السرعه وبيشهد على عمليه التحويل دي ملايين الاشخاص اللى بيعدنوا حول العالم طيب ايه المميز فى كدا المميز ان التحويل ده لا يمكن استرداده ولا يمكن للطرف 1 انه ينصب ويرجع فلوسه وعملية التحويل دي بتكون متسجله فى شبكه البلوك تشين الي مالا نهايه يعنى محدش يقدر يعدل او يزور فيها فبالتالى لا يمكن اختراق المعامله
شرح تاني مبسط ليها 
"عندما تم اختراع الانترنت لم يكن توفير الأمن أولوية وجميع البيانات مركزية ما يعني انه
إذا تم اختراق إحداها فإنه يمكن الوصول إيها جميعا، إلا أن تقنية البلوك تشين
فهي من الأساس صممت على نظام غير مركزي وبالتالي إذا تم أختراق إحدى المجموعات فإنه لا يمكن
اختراق المجموعات الأخرى في نفس الوقت لذا فهذه التقنية تعتمد على عنصر الأمان وتشفير الهوية
حيث تمكنك من الاتصال مباشرة مع الطرف الآخر من دون الحاجة للمعالجة من أطراف وسيطة
متعدده وبالتالي يتمكن المستخدم من إجراء العمليات بكل حرية ضمن منصة عامة آمنه"

يارب تكون وصلت المعلومه لانها صعبه زي ما قولت وحاول تشوفوا فيديوهات عنها على اليوتيوب 
#افضل_منصات_التداول 
بينانص https://www.binance.com/trade.html?symbol=BTC_USDT
من افضل المنصات وانا شغال عليها حجم التداول فيها كبير والمتداولين فيها كتير
سهله وعموله التداول فيها قليله جدا وفيها نظام referral كويس جدا ومن اكبر المنصات نموا وعمله المنصه هيكون ليها شأن كويس فى المستقبل 
كل ده هتعرفه لما تبدأ تقرا عنها وعن مشاريعها
بتريكس https://www.bittrex.com/home/markets
تانى افضل منصه من وجهة نظري مميزتها تحتوي على افضل العملات القديمه بس عيوبها حجم التداول بقا قليل وعموله التداول اعلى 5 مرات من بينانص
اللينكات اللى فوق مش ربحيه ولا فيها نظام referral

#ازاى_ابدأ_تدوال 
هقول تانى لازم تكون مقتنع بالمجال عموما علشان تشتغل وانت متطمن 
بعد معرفه معلومات عن المنصه اللى انت عايز تشتغل عليها بتروح اليوتيوب وتلاقي شروحات واتعلم ازاى بتشتري وبتبيع وتتداول 
تشتري بتكوين او ما يعادله من القيمه اى عملة تانية زي الريبل مثلا
من اشخاص انت واثق فيهم من الوسطاء هنا في الجروب واتاكد انك بتشتري من وسيط اتاكد اتاكد اتاكد انه ادمن واتاكد من اللينك 
في ناس فى الجروب هنا بتبيع بردو ولازم لما تشتري منهم يكون فيه وسيط ادمن الجروب لضمان حق الطرفين
وفيه منتدي ترايدنت بس سعر الدولار فيه اعلى من اى مكان فالافضل اول وتانى اختيار

بتاخد عنوان المحفطه من المنصه وتديله للبايع وفى خلال دقائق هيكون المبلغ وصلك

تشتري عمله ايه من سعر كام وتبيع عند كام ولو هبطت تبيع عند كام ده فى الجزء اللى تحت

تتمة الموضوع في الأسفل .....

2 إجابة

0 تصويتات
تم الرد عليه أغسطس 6 بواسطة ahmed (4,600 نقاط)
عُدل أغسطس 6 بواسطة azzedine
 
أفضل إجابة

#الايكو ico 
العملات الجديدة قبل ما تنزل السوق الشرح نزل فى الجروب تاني
خد بالك من المشرع كويس واتاكد من كذا مصدر ان ico ده مش نصب 
http://bit.ly/2OhPcej

#شويه_لينكات_ومصادر_حلوه 
الدحيح بيتكلم عن البتكوين https://youtu.be/4UW_YbA05Kk

موقع تعرف منه اى معلومه عن اى عمله او منصه اكبر وافضل موقع يا جماعه مهم جدا 
https://coinmarketcap.com/
موقع تعرف منه الكميه بالساتوشي والدولار 
http://preev.com/
تطبيق التحليل الفني على تريدنج فيو 
https://www.tradingview.com/
محفظه ماي ايثر وللت وخلي بالكم من اسم الدومين كويس 
محفظه عملات و اير دروبات او تخزين عملات التوكين ERC20
https://www.myetherwallet.com/
مواقع المديا والاخبار
1- crypto hacker (اخبار العملات -مقابلات مع خبراء المجال -قصص نجاح )
https://cryptohackers.party
2- coin telegraph (تقديم احدث الاخبار- اراء الخبراء والتحليل والتعليقات-تأسست فى عام 2013 )
https://cointelegraph.com
3- coin desk (الرائدع عالميا فى اخبار العملات الرقميه 13 مليون مستخدم شهريا )
https://www.coindesk.com
---

المحتوي الأجنبي (لمن لديه لغة انجليزية متوسطة فيما فوق)
مستوي احترافي اعلي 
************************************

قناة بعتبرها كنز رائع في التحليل فيديوهات قصيرة مفيدة

1-Trading212 channel
https://goo.gl/7P9hXg

2-CryptoCoin Mastery channel
https://goo.gl/nVzebf

3-Cryptobud channel
https://goo.gl/vz1Rmx

4-Suppoman Udemy channel
https://goo.gl/eQCfD7
شويه هشتاجات هيفيدوك

#ثورة_البلوك_تشين
#بلوك_تشين_بالعربي
#افهم_بيتكوين
#فهمني_بيتكوين
#ملتقي_بيتكوين_العرب
#TAMMAM

الحكم الديني فى تدوال البتكوين 
http://bit.ly/2Ohun2B

تتمة الموضوع في الأسفل ....

0 تصويتات
تم الرد عليه أغسطس 6 بواسطة ahmed (4,600 نقاط)

#تعلم_التحليل_الفني وده مهم جدا جدا جدا 
بصوا بقا علشان الموضوع ده مقرف جدا فيه ناس كتير ضد التحليل الفني لمجال البتكون 
وفيه ناس بتقوا انه غير قابل للتحليل 
تمام فعلا فيه نسبه من كلامهم صح لانه بيصعد وبينزل على حسب يا تريند صاعد او هابط
التحليل الفني انا مقتنع بيه شخصيا انت مش عايز تقتنع بيه براحتك بس مش هتعرف تحقق اكبر مكاسب وهتشتري وتبيع عشوائي 
اولا لازم وقت ومجهود وتدريب علشان تتقن التحليل في مدارس كتير للتحليل اختار ابسطهم
دول افضل قنوات ومصادر تتعلم منهم 
http://bit.ly/2LVAnkV كورس شريف خورشيد
http://bit.ly/2MmYaGz دورة تعلم | تحليل العملات الرقمية محمد مهدي
http://bit.ly/2LYeIIE منقول من فارس معانا هنا فى الجروب كورس العرض والطلب مدفوع - Google Drive
http://bit.ly/2vnvsi5 التحليل الزمني من زيدان
http://bit.ly/2KupTTS دورة مجانية لتعلم تداول العملات البيتكوين
http://bit.ly/2nbUvAq udemy لمحبي موقع
http://bit.ly/2M5kxTN قناة لتحليل الفوركس نفس التحليلات تنفع العملات الرقميه 
===
ده الموقع اللى هتطبق التحليل عليه وهتلاقي كل العملات عليه
https://www.tradingview.com/

===

#مهم شويه ملحوظات ونصائح لازم تلتزم بيها 
1_ المجال ده خطر مش عايز تخسر فلوس متدخلش فيها نهائي
2 _ متدخلش المجال ده بفلوس انت محتاجها او سالفها علشان هتخليك تحت ضغط عصبي وهيخليك تاخد قرارت فى البيع والشراء غلط اللهم بلغت
3_ وانت بتتداول متتعلقش بالعمله وتقول انا هفضل فيها ومتشتغلش على غيرها
4 _ لو العمله عملت ربح 10% احجز الربح ده لو هتكمل صعود كمل فيها
لو هتنزل بيع وخد ربحك وادخل عمله تانيه 
5_ لو الصفقه خسرانه بيع ومتفضلش فيها ويفضل انك تشتغل على مؤشر الفيبوناتشي علشان تعرف خطوط الدعم والمقاومة 
6_ قبل ما تدخل اى عمله حتي لو توصيه من قنوات تيلجرام اتاكد منها واعمل تحليلك الشخصي وشوف العمله عليها اخبار الفتره اللى جايه ولا لا 
7_ خلي قلبك جامد طلما واثق من التحليل لو نزلت وما ضربتش الاستوب لوز متاخفش وتجري تبيع 
8_ الصبر مفتاح نجاح المجال ده والله الناس اللى بتصبر على عملاتها بتعمل افضل المكاسب
9_ يا جماعه التزموا بنقط الدخول والخروج ومتخليش عواطفك هيا اللى تتحكم فيك لازم تكون شغال بدماغك كسبت والعمله بتنزل احجز ربحك واخرج منها
ضربت الاستوب لوز وبتنزل بيع متقولش هتكمل صعود وهيا ضربت الاستوب لوز اساساّ
الطمع عكس الصبر هوا اللى بيخليك تخسر او تفضل متعلق فى العمله وقت كبير
10_ الحجات الى فوق دي مهمه جدا ياريت تلتزم بيها لحد ما تحترف التداول وبعدها اعمل اللى انت عايزه ولو مش عارف تبدا بكام فلوس ممكن 30$ كبدايه تعلم كويسه وقسمهم لـ 3 صفقات

مرحبًا بك في عالم العملات الرقمية Coin-wd، حيث يمكنك طرح الأسئلة حول كل ما يخص العملات والتعدين والتداول وانتظار الإجابة عليها من فريق خاص من المحترفين في هدا المجال أو من المستخدمين الآخرين .

461 أسئلة

249 إجابة

104 تعليقات

3,577 مستخدم

...