ما معنى Stop-Limit في التداول

0 تصويتات
سُئل أكتوبر 17، 2017 في تصنيف تداول العملات الرقمية بواسطة MORAD (1,840 نقاط)

ناس كتير ما تعرفش يعني ايه Stop-Limit
ده شرح مبسط للخاصية المهمة جدا دي:
اولا امته بستخدمها؟ 
1- في حالة عاوز تحجز ربح بدون بيع.
2- في حالة دخول من نقطة آمنة اعلى من النقطة الحالية.
3- في حالة وقف مزيد من الخسارة للدخول من نقطة اقوى.
ثانيا ازاي بتشتغل ؟
ببساطة شديدة 
"الليميت" = ده السعر اللي هيتنفذ
"الستوب" = ده سعر الشرط
ثالثا: امثلة توضيحية: 
1- في حالة السعر بيرتفع وعاوز تحجز ربح بدون ما تبيع املا في ان السعر ممكن يرفع اكتر بس في نفس الوقت خايف السعر يحصل له انهيار مفاجئ، يبقى انت بتتابع الشارت بتاع العملة وليكن بيتكوين مقابل الدولار.. السعر الحالي 5000 مثلا وانت كده كسبان بس مش عاوز تبيع املا انه ممكن يوصل 5500 وفي نفس الوقت ممكن لو انهار يوصل 4500 بالتالي انت ممكن تعمل ستوب-ليميت
Stop-Limit، تقوله فيه لو السعر نزل الى 4900 (الستوب - الشرط) اعمل امر (بيع) فوري عند 4850 (الليمت - التنفيذ) وتستنى ترجع تشتري من نقطة تحت مثلا 4500.
......
2- في حال عاوز تدخل عملة بس السعر الحالي فيه خطورة وانت مستني السعر يرفع شوية عشان تكون في الامان بس لو رفع هيطييير، وناخد مثال البيتكوين دولار برده، السعر الحالي 5000 وانت بالنسبة لك نقطة الدخول الآمنة 5200، يبقى تعمل ستوب-ليميت
Stop-Limit شراء، تقوله لو السعر رفع الى 5200 (الستوب- الشرط) حط لي امر (شراء) عند 5250 (الليميت - التنفيذ) وبكده يبقى انت دخلت الصفقة وتقدر تخرج عند ربح مرضي ليك.
......
اتمنى تكونوا استفدتم ويارب الكل يكسب والخسران يعوض خسارته wink

إجابة واحدة

0 تصويتات
تم الرد عليه أكتوبر 17، 2017 بواسطة khaled (2,460 نقاط)
شكررررررر كثيررر
مرحبًا بك في عالم العملات الرقمية Coin-wd، حيث يمكنك طرح الأسئلة حول كل ما يخص العملات والتعدين والتداول وانتظار الإجابة عليها من فريق خاص من المحترفين في هدا المجال أو من المستخدمين الآخرين .

470 أسئلة

249 إجابة

105 تعليقات

11,137 مستخدم

...